ጽዮን ማን ናት?

ኢሊያህ ማሕሙድ

በኣላህ ስም እጅግ አዛኝ እጅግ ሩህሩህ በኾነው እንጀምርና በመቀምቀሚያው ዘመን ነብይ ኾነው በተላኩት ሙሓመድ (ሠ) ላይ የኣላህ ሰላምና እዝነት ይውርድ ብለን እንቀጥላለን፡፡ ወዳጄ ኣንድ ወዳጄ በሚሴንጀር ኦርቶዶክሶች ለሚያምኑባቸው ነገራተ-መለኮት እነዚህን ጥቅሶች ተጠቀሙ በሚል ከልሂቃኖቻቸው ተሰተምረዋል፤በሚል ለተለያዩ አቋሞቻቸው የሚጠቀሟቸውን ጥሶች አካፈለኝ፡፡ እኔም ከአቋማቸው ለዛሬ ርዕስ ያደረግኹትን ላወጋዎ መልካም መስሎ ታየኝ፡፡

ኢሳያስ 60/14

“የአስጨናቂዎችሽም ልጆች አንገታቸውን ደፍተው ወደ አንቺ ይመጣሉ፥ ‡የናቁሽም ሁሉ ወደ እግርሽ ጫማ ይሰግዳሉ፤‡ የእግዚአብሔርም ከተማ፥ የእስራኤል ቅዱስ የሆንሽ ጽዮን ይሉሻል።”

ወዳጄ ምናልባት እርሶም እንደታዘቡት ኹሉም ኦርቶዶክስች ማለት ይቻላል ይህንን ጥቅስ ለማርያም በመጥቀስ ገና በብሉይ የተከበረች ናት እያሉ በተሳከረ መረጃ ይሰብካሉ፡፡ ግን እስኪ አውዱን ለመጠበቅ ከአስረኛው ጥቅስ ጀምረን እናንብበው፡-

ጥ.10. “‡በቍጣዬ ቀሥፌ በፍቅሬ ምሬሻለሁና‡ መጻተኞች ቅጥርሽን ይሠራሉ፥ ነገሥታቶቻቸውም ያገለግሉሻል።”

ጥ.11. “በሮችሽም ሁልጊዜ ይከፈታሉ፤ ሰዎች የአሕዛብን ብልጥግና የተማረኩትንም ነገሥታቶቻቸውን ወደ አንቺ ያመጡ ዘንድ ሌሊትና ቀን አይዘጉም።”

ጥ .12. “ለአንቺም የማይገዛ ሕዝብና መንግሥት ይጠፋል፥ እነዚያ አሕዛብም ፈጽመው ይጠፋሉ።”

ጥ.13. “የመቅደሴንም ስፍራ ያስጌጡ ዘንድ የሊባኖስ ክብር፥ ጥዱና አስታው ባርሰነቱም፥ ወደ አንቺ ይመጣሉ፥ የእግሬንም ስፍራ አከብራለሁ።”

ወዳጄ ጥቅስ አስራ አራት “የናቁሽም ኹሉ ወደ እግርሽ ጫማ ይሰግዳሉ…” ለማርያም ነው በሚለው ለግዜው ተስማሙና ከአስረኛው ጥቅስ ጋር ያዛምዱት፡፡ ማርያም ተቀስፋ ነበርን? የሚል ጥያቄ አልተገለጠሎትም!!!? የደረደርናቸውን ጥቅሶች ወደ ታች ካነበቡ ጥቅሱ በጣም በቀረበ መልኩ ስለ እየሩሳሌም ሚያወራ እንጂ ስለ ማርያም እንዳልኾነ አውዱን ማየት በቂ ነው፡፡

መኃልየ መኃልይ ዘሰሎሞን 4/12

“እኅቴ ሙሽራ የተቈለፈ ገነት፥ የተዘጋ ምንጭ የታተመም ፈሳሽ ናት።”
ወዳጄ ወገኖቻችን ይህንንም ጥቅስ ለማርያም እንደሚጠቀሙበት ልብ ይሏል፡፡ እንደተለመደው ከፍ ዝቅ ብለን እናንብበውና መልሱን ከራሳቸው መጽሃፍ እንፈልግ፡፡

ጥ.1. “ወዳጄ ሆይ፥ እነሆ፥ ውብ ነሽ፤ እነሆ፥ አንቺ ውብ ነሽ፤ በዓይነ ርግብ መሸፈኛሽ ውስጥ ዓይኖችሽ እንደ ርግቦች ናቸው፤ ጠጕርሽ በገለዓድ ተራራ እንደሚወርድ እንደ ፍየል መንጋ ነው።

ጥ.2. “ጥርሶችሽ ታጥበው እንደ ተሸለቱ ሁሉም መንታ እንደ ወለዱ ከእነርሱም መካን እንደሌለባቸው መንጎች ናቸው።”

ጥ.5. “ሁለቱ ጡቶችሽ መንታ እንደ ተወለዱ፥ በሱፍ አበባ መካከል እንደሚሰማሩ እንደ ሚዳቋ ግልገሎች ናቸው።”

ወዳጄ አሁን እነዚህን ሶስት ጥቅሶች ካስቀደምነው ጥቅስ 14 ጋር ያዛምዱትና ተመሳሳይ ጥያቄዎች ያንሱ፡፡ ከጥቅስ አንድ እስከ አምስት ያሉት ማርያምን ይወክላሉ ወይ? ብለው ይጠይቁ፡፡ መልሱ በትክክል አይወክልም ነው፡፡ ስለዚህ ጥቅስ አስራ አራትም አይወክልም ማለት ነው፡፡ ምክንያቱም ኹሉም ጥቅሶች በሴት ጻታ ተመስለው መልኩ ኣንድ ከተማን ወይም ህዝብን መወከላቸው አውዱ በግልጽ ያስረዳል፡፡ ስለ ኣንዲት ሴት ግን እያወራ አይደለም፡፡ጥቅስ አስራ ሶሰት ይህንን ሙግታችንን ትክክል ስለመኾኑ አሰረጅ ነው “ቡቃያሽ ሮማንና የተመረጠ ፍሬ፥ ቆዕ ከናርዶስ ጋር ያለበት ገነት ነው፥”
ወዳጄ አልጨረስንም …ጥያቄ ላደረግነው ርዕስ መልሱ ገና ይቀረናል…ቸር እንሰንብት

ወደ ሮሜ ሰዎች

ሼር ያድርጉ